تاریخچه

تاج خصوصی پوهنتونی تاریخچه‌سی

قورولگن ییل: ۱۳۸۹

تاج خصوصی پوهنتونی افغانستانده بیر خاتون طرفیدن، اوی‌ بولسینینگ ایککی عضوی بیلن همکارلیکده قورولگن بیرینچی خصوصی تحصیلی پوهنتوندیر، ۲۰۱۰ ییلده یوقاری تعلیم وزارتیده ۲۷ نومر بیلن یازیلگن و رسماً فعالیت جوازینی آلگن.
بو پوهنتون قورولگن ییلدان بیری اوچ فاکولته ده (معالجوی طب، اقتصاد و حقوق و سیاسی علوم) دکترا، مخصوص دوکتور، ماستر و لیسانس سویه‌سیدگی ۱۱۶ دایمی و قراردادی اوستاز و تقریباً ۲۷۰۰ اوغیل و قیز طلبه بیلن تحصیلی و تعلیمی خدمتلر ساحه‌سیده کوزگه کورینرلی فعالیت و موفقیتلر ایلگری سورگن.

  • تجربه‌لی و مخصوص رهبرلیک کادری
  • علمی رتبه‌لی اوستازلر
  • جهازلنگن و معیاری صنفلر
  • جهازلنگن لابراتوارلر
  • جهازلنگن کتابخانه
  • اکادمیک انتظام و دسیپلین
  • یاخشی موقعیت
  • علمی و مدنی کنفرانسلر زالی
  • عملی ایشلر سالونی
  • کمپیوتر لاب

تاج بیلیم یورتی

تاج بیلیم یورتی عزیز یاشلرگه خدمت قیلیش مقصدیده، مملکتنینگ بیر دلسوز یاشی طرفیدن، اونینگ قولیدگی امکانیتلردن فایده‌لنیب قورولدی. اونینگ توختامس سعی و کوشیشی بیلن تاج بیلیم یورتی ۲۶/۰۲/۱۳۸۹ ده مملکت یوقاری تعلیم وزارتیدن فعالیت جوازینی آلدی و رسماً مزارشریف شهریده ایشلهشنی باشلهدی. بو پوهنتون بیرینچی و ایککینچی ییلده معالجوی طب، حقوق و سیاسی علوم و اقتصاد فاکولته‌لریده مملکت یاشلریدن ایلتفاتلی تعداد جلب قیلیب، تحصیلی و اکادمیک حیاتینی داوم ایتتیردی. ۱۳۹۱ ده تاج کمی و کیفی جهتدن و مملکت بالالرینه یاخشی علمی خدمت کورسه‌تیش امکانیتلریده ایلتفاتلی ریوجلنیشگه ایریشدی.

یڭی اوقوو ییلی اوچون نوم یازدیریش

اقتصاد و حقوق و سیاسی علوم فاکولته‌لریده ۲۰٪ تخفیف بیلن.

آنلاین نوم یازدیریش