عمومی ریاست

پوهنتون ریاستی مؤثر رهبرلیک و مدیریت، دوامی پلانلش بیلن بو نهادده علمی و اداری ییتیشیش اوچون شرایط یراتدی.

پوهنتون رئیسینینگ ترجمه‌ی حالی

شیخ‌القرآن والحدیث الحاج مولوی سید محمد نظر هاشمی ۱۳۴۸ شمسی ییلده فاریاب ولایتی، شیرین‌تگاب ولسوالیسی، فیض‌آباد قیشلاغیده دیندار و متدین بیر اوی‌بولاده دنیاگه کیلگن. ابتدایی تعلیم و اسلامی علوملرنینگ برینچی اوقیشینی آتاسی و بوبوسی ییانیده باشلهگن و سونگ بیلیم ایزلاش یولیده اوشه زمانگی علمی مدرسه‌لرگه اوتگن. او کیتمه‌-کیت قاضی قشلاق مدرسه‌سی، تگاب شان مدرسه‌سی، سرچکان گریزوان مدرسه‌سی و جوزجان ولایتیدگی دارالعلوم ابوسلیمان جوزجانی ده زمانینینگ کورنکلی عالملری ییانیده دینی علوملرنی اوقیگن. بو باسقیچلرنی تمامله‌گندن کیین، یوقاری تحصیلگه قیزیقیش و احتیاج سببلی پاکستانگه کیتگن. ۱۳۸۰ شمسی ییلده هریپور ولایتیدگی دارالعلوم عبدالله بن مسعود گه بارگن و تکمیله دوره‌سینی اوتگن. سونگ دارالعلوم دیولی ده صغری دوره‌سینی تمامله‌گن و شیخ زکریا دن فیضلنگن. ندن کیین ۱۳۸۲ شمسی ییلده دارالعلوم اخترآباد ده کبری دوره‌سینی بیتیرگن و پاکستان تنگی چهارصده ده شیخ صاحب ادریس ییانیده دینی علوملرنی تمامله‌گن و رسماً بیتیرگن. الحاج مولوی سید محمد نظر هاشمی بیتیرگندن کیین عمرینی یاش نسلنی اوقوتیش و تربیه قیلیش و اسلامی معارفگه خدمت قیلیشگه واقف قیلگن. اوزون ییللر داوامیده امام ترمذی مدرسه‌سی مدرسی، شمس‌الدین شهید لیسه‌سی معلمی، امام ترمذی جامع مسجدی خطیبی و دارالعلوم شیرین‌تگاب مدرسه‌سی آمری صفتیده ایشلهگن و حالی ۱۴۰۳ شمسی ییلدان بیری تاج بیلیم یورتی رئیسی صفتیده خدمت قیلماقده. او نه فقط علمی و تعلیمی ساحه‌ده، بلکه اجتماعی حیاتیده هم همیشه قومی و دینی مسئله‌لرنی حل قیلیشده و اوز خلقینینگ خدمتیده بولگن. او افغانستاننینگ زمانداش کورنکلی و تانیلگن عالملریدن بیری سنالدی، تعهد و اخلاص بیلن دینی علوملرنی اوقوتیش یانیده شاگردلرنی تربیه قیلیشده، اسلامی قدریتلرنی تارقاتیشده، معارفنی کوچایتیریشده و جامعه‌نینگ علمی سویه‌سینی اوستیریشده قدرلی رول اوینگن.

رئیس خبری

تاریخ: ۱۳۹۰

خبر متنی

ملی و خالقارا معیارلرگه تینگ سیفتلی تحصیلی خدمتلر بیریش هر بیر تحصیلی نهادده سالم و قادر مدیریت، تجربه‌لی علمی کادر، معیاری تعلیمی امکانیتلر و قولایلیکلر، طلبه‌لر اورتاسیده سالم رقابت محیطی، اوستازلر و طلبه‌لرنینگ تدقیقاتی فعالیتلرینی رغبتلنتیریش و قوللش و قیسقا و اوزون مدتلی ستراتیژیک پروگرام‌لرنینگ بولیشینی تلب قیلدی. پوهنتونلر یوز مینگلب یاشلرگه تعلیم و تربیه امکانینی یراتگنی و دولتی پوهنتونلر بیلن بیرگه مملکت تعلیمی نظامینی ایلگری سورووچیلردن حسابلنگنی اوچون، مملکت یوقاری تعلیم وزارتی چارچوبیده انکار قیلیب بولمیدیگن اورین و رولگه ایگه‌دیرلر. معلومکی، یوقاری تعلیم وزارتی سیفتنی اوستیریش و اعتبارلش ریاستی، اکادمیک ایشلرنی نظارت و باهالش ریاستی، قانون‌چیلیک، پلان و پالیسی ریاستی و باشقه ادارهلرنی وزارت چارچوبیده یراتیش بیلن خصوصی و دولتی یوقاری تعلیم نهادلرینینگ فعالیت و خدمتلرینی نظارت قیلیشنی تیزلشتیرگن و شو یول بیلن بو نهادلرنی هدایت، قوللش و نظارت قیلگن، بو ایش یوقاری تعلیم نهادلریده دنیا قبول قیلگن معیارلرگه تینگ تحصیلی خدمتلر سیفتی دقتنینگ مرکزیگه قویلیشینی و بو نهادلر اورتاسیده رقابتنینگ قیزغین بازاری یراتیلیشینی سبب بولگن. تاج بیلیم یورتی بو یورت یاشلری اوچون سیفتلی یوقاری تعلیم شرایطینی تیارلش بیلن تعلیم ساحه‌سیده ایلگاری نهادلردن حسابلنه‌دی. بو نهادنی باشقه تحصیلی نهادلردن آیریب تورگن نرسه‌لر: تشکیل و نظارت، قادر، بیرلشگن و متعهد ایش کوچینینگ بولیشی، یوقاری تعلیم مقرراتلری و لایحه‌لرینی داومی و مسئولیت بیلن اجرا قیلیش، طلبه‌لر اورتاسیده سالم تعلیمی رقابت محیطی، بیرگه‌لیک تیم ایشی و باشقه شونده نرسه‌لردیر. تاج بیلیم یورتی ریاستی صادقانه خدمتکارلیک و ادارینینگ اخلاقی اصوللرینه ریعایه قیلیشگه ایشنه‌دی، اکادمیک ایشلرنینگ بیرلیگی، اوستازلر و طلبه‌لرنینگ علمی تدقیقاتلرینی کوچایتیریش، ریوجلنتیریش و عملیلشتیریش، سیفتنی اوستیریش و ملی و خالقارا سویه‌ده علمی اعتبار قازنیش، یڭی بیلیمنی کوتریش و علمی کادر اعضالرینینگ قابلیتینی اوستیریشنی بو ادارهنینگ مأموریت و فعالیت محورلری دیب بیلیب، اونی عملگه آشیریش اوچون هیچ بیر سعی و کوشیشنی ایمهمیدی. یڭی بیلیمنینگ ریوجلنیشی، معیاری تحصیلی خدمتلر و تدقیقاتلرنینگ دوامی امیدیده.

اوتگن رئیسلر
اسم و تخلص ییل

اسد الله ضیا

۱۳۹۴-۱۱-۱۱ دن ۱۴۰۱-۰۱-۰۱ گچه

ادریس تبسم

۱۴۰۱-۰۱-۰۱ دن ۱۴۰۱-۱۱-۱۶ گچه

سید محمد نظر هاشمی

۱۴۰۳-۰۶-۲۱ دن حالی گچه

یڭی اوقوو ییلی اوچون نوم یازدیریش

اقتصاد و حقوق و سیاسی علوم فاکولته‌لریده ۲۰٪ تخفیف بیلن.

آنلاین نوم یازدیریش